മലയാള ചലച്ചിത്ര ശേഖരം
ആദ്യകാലം മുതൽ ഇന്നുവരെ മലയാള ചലച്ചിത്രങ്ങളുടെ പഠനസഹായിയായ വിവരശേഖരം
യക്ഷിയും ഞാനും
പ്രാഥമിക വിവരങ്ങൾ:
പ്രദർശന ദിനം :20-08-2010 സമയദൈർഘ്യം: 146 മിനുട്സ് സംവിധാനം: വിനയൻ നിർമ്മാണം: റൂബൻ ഗോമസ് രചന : വിനയൻ ഛായാഗ്രഹണം: നവാസ് ഇസ്മായിൽ ചിത്രസന്നിവേശം: പ്രദീപ് എമിലി ശബ്ദലേഖനം : എൻ.ഹരികുമാർ സംഗീതം : സാജൻ മാധവ് പ്രധാന അഭിനേതാക്കൾ: ഗൗതം, മേഘ്ന രാജ്, തിലകൻ
സിനിമ സംഗ്രഹം:
ശ്യാം അറിയാതെ ഒരു കൊലപാതക കേസിൽ അകപ്പെടുകയും രക്ഷപെടാനായി ഒരു പഴയ ബംഗ്ലാവിൽ അഭയം തേടുകയും ചെയ്യുന്നു. അവിടെ വെച്ച് അവൻ ആതിരയെ പരിചയപ്പെടുന്നു. ആതിരയുമായി ശ്യാം പ്രണയത്തിലാകുന്നു. എന്നാൽ ആ ബംഗ്ലാവിലും പരിസരത്തും ചില അമാനുഷിക ശക്തികളുടെ സാന്നിധ്യം തിരിച്ചറിയുന്നു. താമസിയാതെ ആതിര ഒരു സാധാരണ പെൺകുട്ടിയല്ലെന്നും, വർഷങ്ങൾക്ക് മുമ്പ് കൊല്ലപ്പെട്ട യക്ഷിയാണെന്നും വെളിപ്പെടുന്നു.ആതിരയെയും കുടുംബത്തെയും ഇല്ലാതാക്കിയത് ക്രൂരനായ ഒരു മന്ത്രവാദിയാണ് .അയാൾ ശ്യാമിനെയും വകവരുത്താൻ ശ്രമിക്കുന്നു.തന്നെ കൊന്നവരോട് പ്രതികാരം ചെയ്യാനും, തന്റെ കാമുകനായ ശ്യാമിനെ അപകടങ്ങളിൽ നിന്ന് സംരക്ഷിക്കാനും ആതിര നടത്തുന്ന ശ്രമങ്ങളാണ് സിനിമയുടെ മുഖ്യ പ്രമേയം.
പഠനങ്ങൾ / ലിങ്കുകൾ:
9(ഒൻപത്)
പ്രാഥമിക വിവരങ്ങൾ:
പ്രദർശന ദിനം : 07-02-2019 സമയദൈർഘ്യം: 148 മിനുട്സ് സംവിധാനം : ജെനൂസ് മുഹമ്മദ് നിർമ്മാണം: സുപ്രിയ മേനോൻ ബാനർ : പൃഥി രാജ് പ്രൊഡക്ഷൻസ് രചന : ജെനൂസ് മുഹമ്മദ് ഛായാഗ്രഹണം: അഭിനന്ദൻ രാമാനുജം ചിത്രസന്നിവേശം: ഷമീർ മുഹമ്മദ് സംഗീതം : ശേഖർ മേനോൻ പ്രധാന അഭിനേതാക്കൾ: ജപൃഥി രാജ്,വാഗ്മിക ഗബ്ബി ,അലോക് കൃഷ്ണ ,മമ്ത മോഹൻദാസ്, പ്രകാശ് രാജ്
സിനിമ സംഗ്രഹം:
വിഖ്യാത ജ്യോതിശാസ്ത്രജ്ഞനായ ആൽബർട്ട് ലൂയിസ് തന്റെ മകൻ ആദമിനോടൊപ്പം ഹിമാലയൻ മലനിരകളിലേക്ക് ഒരു ഗവേഷണത്തിനായി പോകുന്നു. ഭൂമിയെ കടന്നുപോകുന്ന വാൽനക്ഷത്രം ഒൻപത് ദിവസം നീണ്ടുനിൽക്കുന്ന ഇരുട്ടിനും ആശയവിനിമയ തടസ്സങ്ങൾക്കും കാരണമാകുന്നു.ആൽബർട്ടും ആദമും തമ്മിലുള്ള ബന്ധം അത്ര സുഖകരമല്ല. ആദമിന് ചുറ്റും ചില നിഗൂഢമായ കാര്യങ്ങൾ നടക്കുന്നുണ്ടെന്ന് ആൽബർട്ട് വിശ്വസിക്കുന്നു. ഇതിനിടയിലേക്ക് ഇവാ എന്ന നിഗൂഢ സ്വഭാവമുള്ള ഒരു സ്ത്രീ കടന്നുവരുന്നത് . ഇവാ വന്നതിനുശേഷം ആൽബർട്ടും മകനും തമ്മിലുള്ള അകലം വർദ്ധിക്കുന്നു. ഇവാ ഒരു മനുഷ്യനാണോ അതോ മറ്റെന്തെങ്കിലും ശക്തിയാണോ എന്ന സംശയം ആൽബർട്ടിനെ വേട്ടയാടുന്നു. ആൽബർട്ടിന്റെ മാനസികനിലയും അവിടെ നടക്കുന്ന സംഭവങ്ങളും തമ്മിലുള്ള ബന്ധമാണ് സിനിമയെ പ്രമേയത്തെ മുന്നോട്ട് നയിക്കുന്നത്.
പഠനങ്ങൾ / ലിങ്കുകൾ:
വിന്റർ
പ്രാഥമിക വിവരങ്ങൾ:
പ്രദർശന ദിനം : 16-07-2009 സമയദൈർഘ്യം: 111 മിനുട്സ് സംവിധാനം : ദിപു കരുണാകരൻ നിർമ്മാണം: കെ.രാധാ കൃഷ്ണൻ ബാനർ : ജയലക്ഷ്മി ഫിലിംസ് രചന : ദിപു കരുണാകരൻ ഛായാഗ്രഹണം: ജയകൃഷ്ണൻ ഗുമ്മടി ചിത്രസന്നിവേശം: അരുൺ കുമാർ അരവിന്ദ് കലാസംവിധാനം : സുനിൽ ബാബു ശബ്ദലേഖനം :എൻ.ഹരികുമാർ സംഗീതം : ബെന്നി ജോൺസൻ പ്രധാന അഭിനേതാക്കൾ: ജയറാം, ഭാവന, നാനോജ് കെ ജയൻ ,ടി.ജി.രവി
സിനിമ സംഗ്രഹം:
ഡോക്ടർ ശ്യാം, ഭാര്യ അവരുടെ രണ്ട് കുട്ടികൾ എന്നിവർ ഹൈദരാബാദിലെ തിരക്കുകളിൽ നിന്ന് ഒഴിഞ്ഞ് സമാധാനപരമായ ജീവിതത്തിനായി മലമുകളിലെ ഒരു പഴയ ബംഗ്ലാവിലേക്ക് താമസം മാറുന്നു. അവർ അവിടെ എത്തുന്ന സമയത്ത് ആ പ്രദേശത്ത് ദൂരൂഹമായ ചില കൊലപാതകങ്ങൾ നടക്കുന്നുണ്ടായിരുന്നു. കൊല്ലപ്പെടുന്നവരുടെ ശരീരഭാഗങ്ങൾ വികൃതമാക്കപ്പെട്ട നിലയിലാണ് കാണപ്പെട്ടിരുന്നത്. ഇതൊരു കാട്ടുമൃഗത്തിന്റെ ആക്രമണമാണെന്നാണ് പോലീസ് ആദ്യം കരുതിയിരുന്നത്. ശ്യാമും കുടുംബവും താമസിക്കുന്ന വീടിന് ചുറ്റും അജ്ഞാതമായ ഒരു സാന്നിധ്യം അവർ തിരിച്ചറിയുന്നു. താമസിയാതെ അത് ഒരു മൃഗമല്ലെന്നും, മറിച്ച് അമാനുഷികമായ ശക്തിയുള്ള ഒരു ക്രൂരനായ മനുഷ്യനാണെന്നും അവർ മനസ്സിലാക്കുന്നു. വിജനമായ സ്ഥലത്ത്, പുറംലോകവുമായി ബന്ധപ്പെടാൻ കഴിയാത്ത സാഹചര്യത്തിൽ, ആ കൊലയാളിയിൽ നിന്ന് തന്റെ കുടുംബത്തെ രക്ഷിക്കാൻ ശ്യാം നടത്തുന്ന പോരാട്ടമാണ് സിനിമയുടെ മുഖ്യ പ്രമേയം
പഠനങ്ങൾ / ലിങ്കുകൾ:
ഇന്ദ്രിയം
പ്രാഥമിക വിവരങ്ങൾ:
പ്രദർശന ദിനം :26-05- 2000 സമയദൈർഘ്യം: 127 മിനുട്സ് സംവിധാനം : ജോർജ്ജ് കിത്തു നിർമ്മാണം: അക്കായ് ഫിലിംസ് വാണി വിശ്വനാഥ് രചന : ബി.ജയചന്ദ്രൻ, വ്യാസൻ എടവനക്കാട് ഛായാഗ്രഹണം: പ്രതാപൻ ചിത്രസന്നിവേശം:കെ.ആർ.ബോസ്,ബി.അജിത്കു മാർ കലാസംവിധാനം : ശശി പെരുമാനൂർ ശബ്ദലേഖനം : എൻ.ഹരികുമാർ സംഗീതം : ബെന്നി കണ്ണൻ പ്രധാന അഭിനേതാക്കൾ: നിഷാന്ത് സാഗർ, ലെന, വിക്രം ബോബൻ ആലുമ്മൂടൻ ,ശരത് , യദു കൃഷ്ണൻ
സിനിമ സംഗ്രഹം:
ഒരു കൂട്ടം കോളേജ് സുഹൃത്തുക്കൾ അവരുടെ പഠനപ്രവർത്തനത്തിന്റെ ഭാഗമായി ഒരു വനപ്രദേശത്തേക്ക് യാത്ര പോകുന്നു. അവിടെയുള്ള പഴയ കൊട്ടാരത്തിലാണ് അവർ താമസിക്കുന്നു.വർഷങ്ങൾക്ക് മുമ്പ് ആ പ്രദേശത്ത് തിരുതാര എന്ന മന്ത്രവാദിനി ഉണ്ടായിരുന്നു. അവരെ ദ്രോഹിച്ച ഗ്രാമത്തിലെ പ്രമാണിമാരെ അവൾ ശപിച്ചിരുന്നു. ഒടുവിൽ പ്രമാണികൾ അവരെ ജീവനോടെ ചുട്ടുകൊല്ലുകയായിരുന്നു. വനത്തിലെത്തിയ വിദ്യാർത്ഥികളിൽ ചിലർ ആ ഗ്രാമത്തിലെ പഴയ പ്രമാണിമാരുടെ പിൻഗാമികളായിരുന്നു. തിരുതാരയുടെ ആത്മാവ് അവരെ ഓരോരുത്തരെയായി വേട്ടയാടാൻ തുടങ്ങുന്നു. കൊട്ടാരത്തിനുള്ളിൽ കുടുങ്ങിപ്പോയ അവർ ഭയവിഹ്വലരാകുന്നു. വന്യമായ ശക്തികളെയും ആത്മാവിനെയും എങ്ങനെ അവർ അതിജീവിക്കുന്നു , ആത്മാവിന്റെ പകയിൽ നിന്ന് അവർക്ക് രക്ഷപ്പെടാൻ കഴിയുമോ എന്നതാണ് സിനിമയുടെ പ്രമേയം .
പഠനങ്ങൾ / ലിങ്കുകൾ:
വെള്ളിനക്ഷത്രം
പ്രാഥമിക വിവരങ്ങൾ:
പ്രദർശന ദിനം: 02-04-2004 സമയദൈർഘ്യം: 156 മിനുട്സ് സംവിധാനം : വിനയൻ നിർമ്മാണം: ബാബു പണിക്കർ ബാനർ: ദേവപ്രിയ ക്രിയേഷൻസ് രചന : വിനയൻ ഛായാഗ്രഹണം: ഷാജി കുമാർ ചിത്രസന്നിവേശം: ജി.മുരളി കലാസംവിധാനം : സാലു .കെ. ജോർജ്ജ് ശബ്ദലേഖനം : എ.സ്.മുരുകേഷ് സംഗീതം : എം.ജയചന്ദ്രൻ പ്രധാന അഭിനേതാക്കൾ: പൃഥ്വിരാജ് സുകുമാരൻ ,തരുണി സച്ദേവ് ,ഷാർലി,ജഗതി ശ്രീകുമാർ ,കാർത്തിക
സിനിമ സംഗ്രഹം:
മീനാടൂർ കൊട്ടാരത്തിലെ ഇന്ദുചൂഡൻ തന്റെ ഗർഭിണിയായ ഭാര്യ അശ്വതിക്കൊപ്പം താമസിക്കുകയാണ്. പ്രസവത്തിനിടെ അശ്വതി മരിക്കുകയും കുട്ടിമാത്രം രക്ഷപ്പെടുകയും ചെയ്യുന്നു. കൊട്ടാരത്തിന് നൂറ്റാണ്ടുകൾ പഴക്കമുള്ള ഒരു ശാപമുണ്ട്. കുട്ടി ജനിച്ചതോടെ കൊട്ടാരത്തിൽ അസ്വാഭാവികമായ കാര്യങ്ങൾ സംഭവിക്കാൻ തുടങ്ങുന്നു. കുട്ടിയുടെ പെരുമാറ്റത്തിൽ വലിയ മാറ്റങ്ങൾ പ്രകടമാകുന്നു.ഇന്ദുചൂഡന്റെ മുൻതലമുറയിൽ കൊല്ലപ്പെട്ട ഭാനുമതി എന്ന രാജകുമാരിയുടെ ആത്മാവ് തന്റെ മകളിലൂടെ തിരിച്ചുവന്നിരിക്കുകയാണെന്ന് ഇന്ദുചൂഡൻ തിരിച്ചറിയുന്നു. ഭാനുമതിയെ കൊന്നവരോട് പ്രതികാരം വീട്ടാനാണ് ആത്മാവ് ശ്രമിക്കുന്നത്.ദുർമന്ത്രവാദിയായ മണവാളൻ നമ്പൂതിരിyude നേതൃത്വത്തിൽ ആത്മാവിനെ തളയ്ക്കാൻ ശ്രമിക്കുന്നതാണ് മുഖ്യ പ്രമേയം .
പഠനങ്ങൾ / ലിങ്കുകൾ:
ദി പ്രീസ്റ്റ്
പ്രാഥമിക വിവരങ്ങൾ:
പ്രദർശന ദിനം : 11-03- 2021 സമയദൈർഘ്യം: 147 മിനുട്സ് സംവിധാനം : ജോഫിൻ .ടി. ചാക്കോ നിർമ്മാണം: ബി.ഉണികൃഷ്ണൻ ,ആന്റോ ജോസഫ് , വി.എൻ.ബാബു ബാനർ: ആർ.ഡി.ഇലൂമിനേഷൻ രചന : ജോഫിൻ .ടി.ചാക്കോ ,ദീപു പ്രദീപ്, ശ്യാം മേനോൻ ഛായാഗ്രഹണം:അഖിൽ ജോർജ്ജ് ചിത്രസന്നിവേശം: ഷമീർ മുഹമ്മദ് കലാസംവിധാനം :സുജിത് രാഘവ് സംഗീതം : രാഹുൽ രാജ് പ്രധാന അഭിനേതാക്കൾ: മമ്മൂട്ടി ,മഞ്ജു വാര്യർ ,നിഖില വിമൽ ,ശ്രീനാഥ് ഭാസി ,സാനിയ അയ്യപ്പൻ,ജഗദീഷ്
സിനിമ സംഗ്രഹം:
ഫാദർ ബെനഡിക്റ്റിനെ തേടി ഒരു പെൺകുട്ടി എത്തുന്നു. തന്റെ കുടുംബത്തിലെ തുടർച്ചയായ ആത്മഹത്യകളിൽ സംശയമുണ്ടെന്നും അത് അന്വേഷിക്കണമെന്നും അവൾ ആവശ്യപ്പെടുന്നു. കേസ് അന്വേഷിക്കുന്നതിനിടയിൽ അലീന എന്ന അധ്യാപികയെയും അവരോടൊപ്പം എപ്പോഴും കാണപ്പെടുന്ന അമയ എന്ന കൊച്ചുപെൺകുട്ടിയെയും ബെനഡിക്റ്റ് പരിചയപ്പെടുന്നു. അമയ എന്ന പെൺകുട്ടിയുടെ പെരുമാറ്റത്തിൽ അസ്വാഭാവികത അനുഭവിക്കുന്ന ഫാദർ ബെനഡിക്റ്റ് അവളെക്കുറിച്ച് കൂടുതൽ അന്വേഷിക്കുന്നു. അമയയുടെ ചുറ്റും ചില അദൃശ്യശക്തികളുണ്ടെന്നും അത് അവളുടെ കൂടെയുള്ളവരുടെ ജീവന് ഭീഷണിയാണെന്നും അദ്ദേഹം തിരിച്ചറിയുന്നു.അന്വേഷണം പുരോഗമിക്കുമ്പോൾ സൂസൻ ഫിലിപ്പ് എന്ന കഥാപാത്രത്തെക്കുറിച്ചുള്ള സത്യങ്ങൾ വെളിപ്പെടുന്നു. സൂസന്റെ മരണവും അമയയുടെ ഇപ്പോഴത്തെ അവസ്ഥയും തമ്മിലുള്ള ബന്ധമാണ് സിനിമയിലെ ഏറ്റവും വലിയ ഉദ്വേഗം.
പഠനങ്ങൾ / ലിങ്കുകൾ: